Габдулла Тукай исемендәге Татар дәүләт филармониясендә татар эстрадасының моңлы һәм сөйкемле парларының берсе - Эльмира Гыйлфанова һәм Рафил Җәләлиев үзләренең 5 нче сезон концертларына старт бирәчәк!
Менә инде 5 ел рәттән җырлы гаилә тамашачыларына затлы концерт программасы тәкъдим итә. Бу вакыт эчендә алар ничәмә ничә авыл-районнарда концерт куйган, никадәр тамашачы белән очрашкан, күпмеләренең күңелен яулап, кайберләренең якын дустына әверелгән. Бу концерт 5 еллык иҗатка нәтиҗә һәм тугры тамашачы белән очрашу.
Программада сезне өр-яңа җырлар, күптән таныш һәм сез яратып өлгергән хитлар, тормышчан юмор көтә. "Йолдызлы сөюем", "Җырларымда син генә", "Бирмәмен ятларга" кебек тамашачы күңелен яулаган лирик һәм дәртле җырлар башкарылачак. Заманча эстрада көйләреннән тыш, халкыбызның алтын фондына кергән, тамашачы зал белән кушылып җырлый торган легендар ретро җырлар да урын алачак. Концерт һәрвакыттагыча җанлы аралашу форматында узачак.
Бу кич сезнең күңелдә җылы хатирә булып озак сакланыр.
Фото
К сожалению, фотографий нет.
